Song: Nee thoreda ghaligeyali, Movie: Lucia
ಹಾಡು: ನೀ ತೊರೆದ ಘಳಿಗೆಯಲಿ
ರಚನೆ: ರಘು ಶಾಸ್ತ್ರಿ
ಸಂಗೀತ: ಪೂರ್ಣಚಂದ್ರ ತೇಜಸ್ವಿ
ಗಾಯನ: ಅನನ್ಯ ಭಟ್, ಉದಿತ್‌ ಹರಿತಾಸ್‌
ಚಲನಚಿತ್ರ: ಲೂಸಿಯ
ನೀ ತೊರೆದ ಘಳಿಗೆಯಲಿ
ನನ್ನೆದೆಯ ತುಂಬ ನಿನ್ನ ಗುರುತು
ನೆನಪುಗಳ ಮಳಿಗೆಯಲಿ
ಇನ್ನಾರು ಇಲ್ಲ ನಿನ್ನ ಹೊರತು
ಒಂಟಿ ಮೋಡದ ಕಣ್ಣ ಹನಿಯ
ದೂರದಿಂದಲೆ ನೋಡು ಇನಿಯ
ಕಾಣದಿದ್ದರೂ ಕಾಡುತಿರುವ
ಕೇಳದಿದ್ದರೂ ಹೇಳುತ್ತಿರುವ
ಹೃದಯದ ತಾಳಕೆ
ಹಾಡುತಿರುವ, ಹಾಡುತಿರುವ
ನೀ ಯಾರೊ ಯಾರೊ ಯಾರೊ
ಈ ಪ್ರೀತಿಯೆ ಮಾಯೆ,ನಗುವಾಗಲೂ ನೋವೇ
ಏಕಾಂತದ ಛಾಯೆ, ಹಗಲಿರುಳು ಕಾಡಿದೆ
ಏಕಾಂತದ ಛಾಯೆ, ಹಗಲಿರುಳು ಕಾಡಿದೆ
ಮೊದಲೇ, ರಗಳೆ, ಪ್ರೀತಿ ಪದವೆ
ಎಂದಿಗೆ, ಬರುವೆಯೋ, ತಿಳಿಯದೇ ನನ್ನೆದೆ
ಹೃದಯದ ಬಡಿತವೇ ನಿಂತಂತಾಗಿದೆ
ನೀನು ಮರೆಯಾದ ಮರುಘಳಿಗೆ
ಮನಸು ಬಯಸಿದೆ ಸಾನಿಧ್ಯ
ಮತ್ತೆ ಸೇರಲು ನಿನ್ನೊಳಗೆ
ರಾಜಿಯಾಗುತಿದೆ ಆಂತರ್ಯ
ನಾವಿಕನಿಲ್ಲದ ದೋಣಿಯಿದು
ಒಂಟಿ ಸಾಗುವ ಯಾತನೆಯು
ನೆರಳನು ಹಿಡಿಯುವ ಆಟವಿದು
ಇನ್ನು ಸಾಕೆನುವ ಪ್ರಾರ್ಥನೆಯು
ನೀ ಮಾಯೆಯೊಳಗೊ, ಮಾಯೆ ನಿನ್ನೊಳಗೊ
ನೀ ದೇಹದೊಳಗೊ, ದೇಹ ನಿನ್ನೊಳಗೊ
ಮನಸು ದೇಹಗಳೆರಡೂ ಸೆಳೆಯುವ ಸುಳಿಯಂತಿರುವ ಪ್ರೇಮದೊಳಗೋ
ನೀ ಕನಸಿನೊಳಗೊ, ಕನಸು ನಿನ್ನೊಳಗೊ
ನೀ ಅಮಲಿನೊಳಗೊ, ಅಮಲು ನಿನ್ನೊಳಗೊ
ಅಮಲಿನಲ್ಲಿ ಕಂಡಾ ಕನಸಿನಲ್ಲು ಸಿಗುವಾ ಪ್ರೀತಿ ಸೋಲಿನೊಳಗೋ
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ