Song: Anisutide yaako indu, Movie: Mungaaru male

ಹಾಡು: ಅನಿಸುತಿದೆ ಯಾಕೋ ಇಂದು

ರಚನೆ: ಜಯಂತ್‌ ಕಾಯ್ಕಿಣಿ

ಸಂಗೀತ: ಮನೋಮೂರ್ತಿ

ಗಾಯನ: ಸೋನು ನಿಗಮ್

ಚಲನಚಿತ್ರ: ಮುಂಗಾರು ಮಳೆ

ಅನಿಸುತಿದೆ ಯಾಕೋ ಇಂದು

ನೀನೇನೆ ನನ್ನವಳೆಂದು

ಮಾಯದ ಲೋಕದಿಂದ

ನನಗಾಗೆ ಬಂದವಳೆಂದು

ಆಹಾ ಎಂಥ ಮಧುರ ಯಾತನೆ

ಕೊಲ್ಲು ಹುಡುಗಿ ಒಮ್ಮೆ ನನ್ನ

ಹಾಗೇ ಸುಮ್ಮನೆ

ಅನಿಸುತಿದೆ ಯಾಕೋ ಇಂದು

ಸುರಿಯುವ ಸೋನೆಯು ಸೂಸಿದೆ ನಿನ್ನದೆ ಪರಿಮಳ

ಇನ್ಯಾರ ಕನಸಲೂ ನೀನು ಹೋದರೆ ತಳಮಳ

ಪೂರ್ಣಚಂದಿರ ರಜ ಹಾಕಿದ

ನಿನ್ನಯ ಮೊಗವನು ಕಂಡ ಕ್ಷಣ

ನಾ ಖೈದಿ ನೀನೇ ಸೆರೆಮನೆ

ತಪ್ಪಿ ನನ್ನ ಅಪ್ಪಿಕೊ ಒಮ್ಮೆ

ಹಾಗೇ ಸುಮ್ಮನೆ

ಅನಿಸುತಿದೆ ಯಾಕೋ ಇಂದು

ತುಟಿಗಳ ಹೂವಲಿ ಆಡದ ಮಾತಿನ ಸಿಹಿಯಿದೆ

ಮನಸಿನ ಪುಟದಲಿ ಕೇವಲ ನಿನ್ನದೆ ಸಹಿಯಿದೆ

ಹಣೆಯಲಿ ಬರೆಯದ ನಿನ್ನ ಹೆಸರ‌

ಹೃದಯದಿ ನಾನೇ ಕೊರೆದಿರುವೆ

ನಿನಗುಂಟೆ ಇದರ ಕಲ್ಪನೆ

ನನ್ನ ಹೆಸರ ಕೂಗೆ ಒಮ್ಮೆ

ಹಾಗೇ ಸುಮ್ಮನೆ

ಅನಿಸುತಿದೆ ಯಾಕೋ ಇಂದು

ನೀನೇನೆ ನನ್ನವಳೆಂದು

ಮಾಯದ ಲೋಕದಿಂದ

ನನಗಾಗೆ ಬಂದವಳೆಂದು

ಆಹಾ ಎಂಥ ಮಧುರ ಯಾತನೆ

ಕೊಲ್ಲು ಹುಡುಗಿ ಒಮ್ಮೆ ನನ್ನ

ಹಾಗೇ ಸುಮ್ಮನೆ

ಅನಿಸುತಿದೆ ಯಾಕೋ ಇಂದು