Manase maaya, Mundina Nildana

ಹಾಡು: ಮನಸೇ ಮಾಯಾ
ರಚನೆ: ಕಿರಣ್‌ ಕಾವೇರಪ್ಪ
ಸಂಗೀತ: ಮಸಾಲ ಕಾಫಿ
ಗಾಯನ: ಸೂರಜ್‌ ಸಂತೋಷ್‌, ವರುಣ್‌ ಸುನಿಲ್‌
ಚಲನಚಿತ್ರ: ಮುಂದಿನ ನಿಲ್ದಾಣ

ಮನಸೇ ಮಾಯಾ ನದಿಯ ಹಾಗೆ,
ಹರಿವಾ ಧಾರೆ ಅನುರೂಪಿ.
ಮಳೆಬಿಲ್ಲೇರಿ, ನಗುವ ತೇಲಿ,
ಬದುಕೇ ಬಣ್ಣ ಬಹುರೂಪಿ.

ಸೆಳೆವಾ ಈ ಸುಂದರೆ,
ನಲಿವಾ ವಸುಂಧರೆ{೨}
ವರ್ಣಿಸಲು ಈ ಚಂದ್ರಿಕೆ,
ಸೋತಿಹುದೆ ಸ್ವರಮಾಲಿಕೆ
ನಗುವಿನಲೇ ಸುಳಿವಿರದೇ ಅಪಹರಿಸಿದಳೇ

ಮಧುಗುಂಜನ ಈ ಮಂಜಿನ ಹನಿ,
ಮನರಂಜನ ನೀನಾಡುವ ದನಿ{೨}

ಸಾರಂಗಿಯು ರಂಗೇರಿದೆ,
ನವರಂಗಿ ನಲಿವಾಗ
ನವಿಲೂರಿನಾ ನವಿಲೇ ನಿನ್ನ,
ಪ್ರೇರಣೆ ಏನಮ್ಮ
ಮದರಂಗಿಯು ನಿನ ಅಂಗೈಲೆ,
ರಂಗೋಲಿ ಇಡುವಾಗ
ವನಸಿರಿಯ ನಡುವೆ ಅರಳಿದ,
ಏ! ತಾರೆ ನೀನೇನಮ್ಮ

ಆರೋಹದಿ ಮೌನರಾಗ,
ಅನುರಾಗಿಯಾಗೋದೇ ಈಗ
ಮನಸಿನ ಬೀದಿಯಲ್ಲಿ ನೀನೆ, ನೀನೆ

ಮಧುಗುಂಜನ ಈ ಮಂಜಿನ ಹನಿ,
ಮನರಂಜನ ನೀನಾಡುವ ದನಿ{೨}

Any other kannada song lyrics that you would like to see here? Just ask for in the comments section below