Song: Baaluvantha hoove, movie; Aakasmika

ಹಾಡು: ಬಾಳುವಂಥ ಹೂವೇ

ರಚನೆ: ಹಂಸಲೇಖ

ಸಂಗೀತ: ಹಂಸಲೇಖ

ಗಾಯನ: ಡಾ. ರಾಜಕುಮಾರ್‌

ಚಲನಚಿತ್ರ: ಆಕಸ್ಮಿಕ

ಬಾಳುವಂಥ ಹೂವೇ, ಬಾಡುವಾಸೆ ಏಕೆ(೨)

ಹಾಡುವಂಥ ಕೋಗಿಲೆ, ಅಳುವ ಆಸೆ ಏಕೆ

ಕವಲುದಾರಿಯಲ್ಲಿ ಬಾಳು ಸಾಧ್ಯವೇ

ಅವಳಿದೋಣಿಯಲ್ಲಿ ಯಾನ ಯೋಗ್ಯವೇ

ಬಾಳುವಂಥ ಹೂವೇ, ಬಾಡುವಾಸೆ ಏಕೆ

ಹಾಡುವಂಥ ಕೋಗಿಲೆ, ಅಳುವ ಆಸೆ ಏಕೆ.

ಯಾರಿಗಿಲ್ಲ ನೋವು, ಯಾರಿಗಿಲ್ಲ ಸಾವು

ವ್ಯರ್ಥವ್ಯಸನದಿಂದ, ಸಿಹಿಯು ಕೂಡ ಬೇವು

ಬಾಳು ಒಂದು ಸಂತೆ,ಸಂತೆ ತುಂಬ ಚಿಂತೆ

ಮದ್ಯಮದಗಳಿಂದ ಚಿಂತೆ ಬೆಳೆವುದಂತೆ.

ಅಂಕೆ ಇರದ ಮನಸನು, ದಂಡಿಸುವುದು ನ್ಯಾಯ

ಮೂಕ ಮುಗ್ಧ ದೇಹವ, ಹಿಂಸಿಸುವುದು ಹ್ಯೇಯ

ಸಣ್ಣ ಬಿರುಕು ಸಾಲದೇ, ತುಂಬುದೋಣೆ ತಳಸೇರಲು

ಸಣ್ಣ ಅಳುಕು ಸಾಲದೇ, ತುಂಬು ಬದುಕು ಬರಡಾಗಲು

ಬಾಳುವಂಥ ಹೂವೇ, ಬಾಡುವಾಸೆ ಏಕೆ

ಹಾಡುವಂಥ ಕೋಗಿಲೆ, ಅಳುವ ಆಸೆ ಏಕೆ.

ಬಾಳ ಕದನದಲ್ಲಿ, ಭರವಸೆಗಳು ಬೇಕು

ನಾಳೆ ನನ್ನದೆನ್ನುವ, ನಂಬಿಕೆಗಳು ಬೇಕು

ಜೀವರಾಶಿಯಲ್ಲಿ, ಮಾನವರಿಗೆ ಆದ್ಯತೆ

ನಾವೆ ಮೂಢರಾದರೆ, ಜ್ನಾನಕೆಲ್ಲಿ ಪೂಜ್ಯತೆ

ಇಲ್ಲಿ ಈಸಬೇಕು, ಇದ್ದು ಜಯಿಸಬೇಕು

ನಾಗರೀಕರಾದಮೇಲೆ, ಸುಗುಣರಾಗಬೇಕು

ನಿನ್ನ ಹಳದಿ ಕಣ್ಣಲಿ, ಜನರನೇಕೆ ನೀ ನೋಡುವೆ

ಮನದ ಟೊಂಕು ಕಾಣದೇ, ಜಗವನೇಕೆ ನೀ ದೂರುವೆ

ಬಾಳುವಂಥ ಹೂವೇ, ಬಾಡುವಾಸೆ ಏಕೆ

ಹಾಡುವಂಥ ಕೋಗಿಲೆ, ಅಳುವ ಆಸೆ ಏಕೆ

ಕವಲುದಾರಿಯಲ್ಲಿ ಬಾಳು ಸಾಧ್ಯವೇ

ಅವಳಿದೋಣಿಯಲ್ಲಿ ಯಾನ ಯೋಗ್ಯವೇ

ಬಾಳುವಂಥ ಹೂವೇ, ಬಾಡುವಾಸೆ ಏಕೆ

ಹಾಡುವಂಥ ಕೋಗಿಲೆ, ಅಳುವ ಆಸೆ ಏಕೆ