Song: Chanooranu, Movie: Mufti

ಹಾಡು: ಚಾಣೂರನು
ರಚನೆ: ಸಾಯಿ ಸರ್ವೇಶ್
ಸಂಗೀತ: ರವಿ ಬಸ್ರೂರು
ಗಾಯನ: ರವಿ ಬಸ್ರೂರು
ಚಲನಚಿತ್ರ: ಮಫ್ತಿ

ಚಾಣೂರನು ಅತಿಕ್ರೂರನು, ಘನಘೋರನೂ
ನಾ ಕಂಡ ಅಸುರ ನೀನೇನಾ
ನಿಸ್ಸೀಮನು, ಧೀಮಂತನು ಏಕೈಕನೂ,
ಜನದನಿಯ ಉಸಿರು ನೀನೇನಾ

ಓ,ಸಿಡಿಲಾಗಿ ಕಂಡ ನೀನು,
ಜಗಬೆಳಗೋ ದೀಪ ಏನು
ಏನೆಂದು ನಿನ್ನ ತಿಳಿಯಲಿ

 ಓ, ಧಗಧಗಿಸೋ ಜ್ವಾಲೆ ನೀನು
ತಂಪಾದ ಸೋನೆ ಏನು
ಏನೆಂದು ನಿನ್ನ ಅಳೆಯಲಿ

ರಾಕ್ಷಸನೂ, ನೀನೇನಾ
ರಕ್ಷಕನೂ ನೀನೇನಾ{೨}

ಹರಿದೋದ ಬದುಕನು ಹುಡುಕಿ,
ನವಿರಾದ ನೂಲನು ಬಳಸಿ,
ಹಸನಾಗಿ ಹೆಣೆದು ಕೊಡುವಾ
ನೇಕಾರನೇ
ಮಾಳಿಗೆಯು ಸೋರುವ ಮುನ್ನ
ಛಾವಣಿಯ ಹಾಸುವ ನೀನು
ಶತಕೋಟಿ ಮನಗಳು ಹರಸೋ
ನೇತಾರನೇ

ಧರಣಿತೂಕದ ಭುಜದಬಲವನು
ಜನರ ಒಳಿತಿಗೆ ತೋರಿ ಮೆರೆವನು
ಹಿತವನು ಬಯಸುವ
ಕಡುರಾಕ್ಷಸನೂ ನೀನೇನಾ
ರಕ್ಷಕನೂ ನೀನೇನಾ
ರಾಕ್ಷಸನೂ ನೀನೇನಾ
ರಕ್ಷಕನೂ ನೀನೇನಾ

ಕಡಲಿಂದ ಆವಿಯಾಗಿ
ಕಾರ್ಮೋಡದಂತೆ ಸಾಗಿ
ಬರುಡಾದ ಭೂಮಿಗೆ ಸುರಿವಾ
ಜಲಧಾರೆಯೋ

ಕಟುಕರ ನೆತ್ತರು ಹರಿಸಿ
ಬಡವರ ಕಂಬನಿ ಒರೆಸಿ
ಕುಸಿದಂಥ ಬಾಳಿನ ನೊಗಕೆ
ಹೆಗಲಾದೆಯೋ
ದುರುಳ ಜನರಿಗೆ ಸಜೆಯ ವಿಧಿಸುವ
ಹಸಿದ ಜನರಿಗೆ ಸುಧೆಯ ಹರಿಸುವ
ಹಿತವನು ಬಯಸುವ
ಕಡುರಾಕ್ಷಸನೂ ನೀನೇನಾ
ರಕ್ಷಕನೂ ನೀನೇನಾ
ರಾಕ್ಷಸನೂ ನೀನೇನಾ
ರಕ್ಷಕನೂ ನೀನೇನಾ