50th post, Song: Nagu nagutha nali (ನಗುನಗುತ ನಲಿ), Movie: Bangarada manushya (ಬಂಗಾರದ ಮನುಷ್ಯ)

ಹಾಡು: ನಗುನಗುತ ನಲಿ

ರಚನೆ: ಹುಣಸೂರು ಕೃಷ್ಣಮೂರ್ತಿ

ಸಂಗೀತ: ಜಿ.ಕೆ. ವೆಂಕಟೇಶ್‌

ಗಾಯನ: ಪಿ. ಬಿ. ಶ್ರೀನಿವಾಸ್‌

ಚಲನಚಿತ್ರ: ಬಂಗಾರದ ಮನುಷ್ಯ

ನಗುನಗುತ ನಲಿ ನಲಿ

ಎಲ್ಲಾ ದೇವನ, ಕಲೆಯೆಂದೇ ನೀ ತಿಳಿ

ಅದರಿಂದ ನೀ ಕಲಿ

ನಗುನಗುತ ನಲಿ ನಲಿ, ಏನೇ ಆಗಲಿ

ಜಗವಿದು ಜಾಣ, ಚಲುವಿನ ತಾಣ

ಎಲ್ಲೆಲ್ಲೂ ರಸದೌತಣ, ನಿನಗೆಲ್ಲೆಲ್ಲೂ ರಸದೌತಣ

ಲತೆಗಳು ಕುಣಿದಾಗ, ಹೂಗಳು ಬಿರಿದಾಗ

ನಗುನಗುತ ನಲಿ ನಲಿ, ಏನೇ ಆಗಲಿ

ತಾಯಿ ಒಡಲಿನ, ಕುಡಿಯಾಗಿ ಜೀವನ(೨)

ಮೂಡಿ ಬಂದು ಚೇತನ, ತಾಳಲೆಂದು ಅನುದಿನ(೨)

ಅವಳೆದೆ ಅನುರಾಗ, ಕುಡಿಯುತ ಬೆಳೆದಾಗ

ನಗುನಗುತ ನಲಿ ನಲಿ, ಏನೇ ಆಗಲಿ

ಗೆಳೆಯರ ಜತೆಯಲಿ ಕುಣಿಕುಣಿದು

ಬೆಳೆಯುವ ಸೊಗಸಿನ ಕಾಲವಿದು{೨}

ಮುಂದೆ ಯೌವನ, ಮದುವೆ ಬಂಧನ

ಎಲ್ಲೆಲ್ಲೂ ಹೊಸಜೀವನ,

ಆಹಾ! ಎಲ್ಲೆಲ್ಲೂ ಹೊಸಜೀವನ

ಜತೆಯದು ದೊರೆತಾಗ,

ಜತೆಯದು ದೊರೆತಾಗ,

ಮೈಮನ ಮರೆತಾಗ

ನಗುನಗುತ ನಲಿ ನಲಿ, ಏನೇ ಆಗಲಿ

ಏರು ಪೇರಿನ, ಗತಿಯಲ್ಲಿ ಜೀವನ(೨)

ಸಾಗಿ ಮಾಗಿ ಹಿರಿತನ

ತಂದಿತಯ್ಯ ಮುದಿತನ

ಸಾಗಿ ಮಾಗಿ ಹಿರಿತನ

ತಂದಿತಯ್ಯ ಮುದಿತನ

ಅದರೊಳು ಹೊಸದಾದ

ರುಚಿಯಿದೆ ಸವಿಮೋದ

ನಗುನಗುತ ನಲಿ ನಲಿ, ಏನೇ ಆಗಲಿ