Song: Sariyaagi nenapide nanage(ಸರಿಯಾಗಿ ನೆನಪಿದೆ ನನಗೆ), Movie: Mungaru MaLe (ಮುಂಗಾರು ಮಳೆ-೨)

ಹಾಡು: ಸರಿಯಾಗಿ ನೆನಪಿದೆ ನನಗೆ

ರಚನೆ: ಜಯಂತ್‌ ಕಾಯ್ಕಿಣಿ

ಸಂಗೀತ: ಅರ್ಜುನ್‌ ಜನ್ಯ

ಗಾಯನ: ಅರ್ಮಾನ್‌ ಮಲಿಕ್‌

ಚಲನಚಿತ್ರ: ಮುಂಗಾರು ಮಳೆ-೨

ಸರಿಯಾಗಿ ನೆನಪಿದೆ ನನಗೆ

ಇದಕೆಲ್ಲ ಕಾರಣ ಕಿರುನಗೆ

ಮನದ ಪ್ರತಿ ಗಲ್ಲಿಯೊಳಗು

ನಿನದೇ ಮೆರವಣಿಗೆ

ಕನಸಿನ ಕುಲುಮೆಗೆ, ಉಸಿರನು ಊದುತ

ಕಿಡಿ ಹಾರುವುದು ಇನ್ನು ಖಚಿತ 

ಸರಿಯಾಗಿ ನೆನಪಿದೆ ನನಗೆ

ಇದಕೆಲ್ಲ ಕಾರಣ ಕಿರುನಗೆ

ಕಣ್ಣಲ್ಲೇ ಇದೆ, ಎಲ್ಲ ಕಾಗದ

ನೀನೇ ನನ್ನಯ ಅಂಚೆ ಪೆಟ್ಟಿಗೆ

ಏನೇ ಕಂಡರೂ ನೀನೇ ಜ್ನಾಪಕ

ನೀನೇ ಔಷಧಿ, ನನ್ನ ಹುಚ್ಚಿಗೆ

ತೆರೆದು ನೀನು ಮುದ್ದಾದ ಅಧ್ಯಾಯ

ಸಿಗದೆ ಇದ್ರೆ ತುಂಬಾನೇ ಅನ್ಯಾಯ

ನನ್ನಯ ನಡೆನುಡಿ, ನಿನ್ನನೇ ಬಯಸುತ

ಬದಲಾಗುವುದು ಇನ್ನು ಖಚಿತ

ಸರಿಯಾಗಿ ನೆನಪಿದೆ ನನಗೆ

ಇದಕೆಲ್ಲ ಕಾರಣ ಕಿರುನಗೆ

ನಿನ್ನ ನೃತ್ಯಕೆ ಸಿದ್ಧವಾಗಿದೆ

ಅಂತರಂಗದ ರಂಗಸಜ್ಜಿಕೆ

ನಿನ್ನ ನೋಡದ ನನ್ನ ಜೀವನ

ಸುದ್ದಿ ಇಲ್ಲದ ಸುದ್ದಿಪತ್ರಿಕೆ

ಸೆರೆಸಿಕ್ಕಾಗ ಬೇಕಿಲ್ಲ ಜಾಮೀನು

ಸರಸಕ್ಕೀಗ ನಿಂದೇನೆ ಕಾನೂನು

ಕೊರೆಯುವ ನೆನಪಲಿ, ಇರುಳನು ಕಳೆಯುತ 

ಬೆಳಗಾಗುವುದು ಇನ್ನು ಖಚಿತ

ಸರಿಯಾಗಿ ನೆನಪಿದೆ ನನಗೆ

ಇದಕೆಲ್ಲ ಕಾರಣ ಕಿರುನಗೆ