Song: Mouna thalithe (ಮೌನ ತಾಳಿತೆ), Movie: Ninnindale (ನಿನ್ನಿಂದಲೇ)
ಹಾಡು: ಮೌನ ತಾಳಿತೆ
ರಚನೆ: ಜಯಂತ್ ಕಾಯ್ಕಿಣಿ
ಸಂಗೀತ: ಮಣಿಶರ್ಮ
ಗಾಯನ: ಅರ್ಜಿತ್ ಸಿಂಗ್
ಚಲನಚಿತ್ರ: ನಿನ್ನಿಂದಲೇ
ಮೌನ ತಾಳಿತೆ ದಾರಿ
ನನ್ನ ಹೆಜ್ಜೆ ಸಪ್ಪಳ ಕೇಳಿ
ಮೋಡ ಹೋಯಿತೆ ಹಾರಿ
ಸಣ್ಣ ಗಾಳಿ ಮಾತನು ಕೇಳಿ
ಬದಲಾಯಿತೇನು ಕಣ್ಣ ಹೊಳಪು
ಸಿಗದಾಯಿತೇನು ನನ್ನ ಗುರುತು
ಇರಬಲ್ಲೆನೇನು ಎಲ್ಲ ಮರೆತು, ಮರೆತು, ಮರೆತೂ
ಮೌನ ತಾಳಿತೆ ದಾರಿ
ನನ್ನ ಹೆಜ್ಜೆ ಸಪ್ಪಳ ಕೇಳಿ
ಮೋಡ ಹೋಯಿತೆ ಹಾರಿ
ಸಣ್ಣ ಗಾಳಿ ಮಾತನು ಕೇಳಿ
ಕಲೆತು ಆಡಿದ ಸಾವಿರ ಸವಿಮಾತಿನ ಬಿಸಿ ಆರಿತೇ
ಸಲಿಗೆ ತೋರಿದ ಸ್ನೇಹವು ಹುಡುಗಾಟದ ಹಠವಾಯಿತೇ
ಕುಶಲ ಕೇಳುತಿವೆ, ನಡೆದ ದಾರಿಗಳು
ಅಳಿಸಲಾಗುವುದೇ, ಹಸಿಯ ಗೋಡೆಯ ಗೀಚಿದ ಸಾಲು
ಬದಲಾಯಿತೇನು ಕಣ್ಣ ಹೊಳಪು
ಸಿಗದಾಯಿತೇನು ನನ್ನ ಗುರುತು
ಇರಬಲ್ಲೆನೇನು ಎಲ್ಲ ಮರೆತು, ಮರೆತು, ಮರೆತೂ
ಕರಗಲಾರದೆ ಹೋದೆನೇ ಪದವಿಲ್ಲದ ಪರಿಭಾಷೆಗೆ
ಅರಳಬಲ್ಲೆನೇ ಈಗಲೂ ಎದೆಯಾಳದ ಅಭಿಲಾಷೆಗೆ
ಹಿಡಿದು ನಿಲ್ಲಿಸಿವೆ, ಕಡೆಯ ಮಾತುಗಳು
ತಡೆಯಲಾಗುವುದೇ, ಎದೆಯ ಬಾಗಿಲ ತಟ್ಟಿದ ಮೇಲೂ
ಬದಲಾಯಿತೇನು ಕಣ್ಣ ಹೊಳಪು
ಸಿಗದಾಯಿತೇನು ನನ್ನ ಗುರುತು
ಇರಬಲ್ಲೆನೇನು ಎಲ್ಲ ಮರೆತು, ಮರೆತು, ಮರೆತೂ
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ