Song: Kannadave nammamma (ಕನ್ನಡವೇ ನಮ್ಮಮ್ಮ), Movie: Mojugaara Sogasugaara (ಮೋಜುಗಾರ ಸೊಗಸುಗಾರ)

ಹಾಡು: ಕನ್ನಡವೇ ನಮ್ಮಮ್ಮ

ರಚನೆ: ಹಂಸಲೇಖ

ಸಂಗೀತ: ಹಂಸಲೇಖ

ಗಾಯನ: ಡಾ.ವಿಷ್ಣುವರ್ಧನ್‌

ಚಲನಚಿತ್ರ: ಮೋಜುಗಾರ ಸೊಗಸುಗಾರ

 

ಕನ್ನಡದ ಸಿದ್ದ, ಹಾಡೋದಕ್ಕೆ ಎದ್ದ

ಕನ್ನಡಕ್ಕೆ ಇವನು ಸಾಯೋದಕ್ಕು ಸಿದ್ಧ 

 

ಕನ್ನಡವೇ ನಮ್ಮಮ್ಮ, ಅವಳಿಗೆ ಕೈ ಮುಗಿಯಮ್ಮ

ಮಾತಾಡೋ ದೇವರಿವಳು, ನಮ್ಮ ಕಾಪಾಡೋ ಗುರು ಇವಳು

ಕನ್ನಡವೇ ನಮ್ಮಮ್ಮ, ಅವಳಿಗೆ ಕೈ ಮುಗಿಯಮ್ಮ

ನಲಿದಾಡೋ ನೀರಿವಳು, ನಾ ಉಸಿರಾಡೋ ಕಾಡಿವಳು

 

ಬರೆಯೋರ ತವರೂರು, ಕಡೆಯೋರ ಹಿರಿಯೂರು

ನಟಿಸೋರ ನವಿಲೂರು, ನುಡಿಸೋರ ಮೈಸೂರು

 

ಕೂಡಿದರೆ ಕಾಣುವುದು, ಎದೆ ತುಂಬ ಹಾಡಾಗುವುದು

ಮಧುರ ಮಧುರ ಇದು ಅಮರ ಅಮರ ಇದು

 

ಕನ್ನಡವೇ ನಮ್ಮಮ್ಮ, ಅವಳಿಗೆ ಕೈ ಮುಗಿಯಮ್ಮ

ಮಾತಾಡೋ ದೇವರಿವಳು, ನಮ್ಮ ಕಾಪಾಡೋ ಗುರು ಇವಳು

 

ಈ ಭಾಷೆ ಕಲಿಯೋದು, ಅಹ! ಬೆಣ್ಣೆನ ತಿಂದಂತೆ

ನಮ್ಮ ಭಾಷೆ ಬರೆಯೋಕೆ, ಹಾ! ಕಲಿಸೋರೆ ಬೇಡಂತೆ

 

ಹಾಡಿದರೆ, ತಿಳಿಯುವುದು, ಮೈತುಂಬಾ ಓಡಾಡುವುದು

ಸರಳ ಸರಳ ಇದು ವಿರಳ ವಿರಳ ಇದು

 

ಕನ್ನಡವೇ ನಮ್ಮಮ್ಮ, ಅವಳಿಗೆ ಕೈ ಮುಗಿಯಮ್ಮ

ಮಾತಾಡೋ ದೇವರಿವಳು, ನಮ್ಮ ಕಾಪಾಡೋ ಗುರು ಇವಳು

 

ಅಭಿಮಾನ ಹಾಲಂತೆ (ಹಾಲಂತೆ), ದುರಭಿಮಾನ ವಿಷವಂತೆ

ಸಹಿಸೋರು ನಾವಂತೆ(ನಾವಂತೆ), ನಿರಭಿಮಾನ ಬೇಡಂತೆ

 

ಕನ್ನಡತಿ ಆಜ್ನೆ ಇದು, ಅವಳೆದೆಯಾ, ಹಾಡು ಇದು

ಅವಳ ಬಯಕೆ ಇದು ನಮಗೆ ಹರಕೆ ಇದು

ಕನ್ನಡವೇ ನಮ್ಮಮ್ಮ, ಅವಳಿಗೆ ಕೈ ಮುಗಿಯಮ್ಮ

ಮಾತಾಡೋ ದೇವರಿವಳು, ನಮ್ಮ ಕಾಪಾಡೋ ಗುರು ಇವಳು

 

ಕನ್ನಡವೇ ನಮ್ಮಮ್ಮ, ಅವಳಿಗೆ ಕೈ ಮುಗಿಯಮ್ಮ

ನಲಿದಾಡೋ ನೀರಿವಳು, ನಾ ಉಸಿರಾಡೋ ಕಾಡಿವಳು

 

ಸಿದ್ಧವೋ ಸಿದ್ಧವೋ, ಕನ್ನಡಕ್ಕೆ ಸಾಯಲು

ಸಿದ್ಧವೋ ಬದ್ಧವೋ, ಕನ್ನಡಕ್ಕೆ ಬಾಳಲು