Song: Negila hidida [ನೇಗಿಲ ಹಿಡಿದ (ಉಳುವ ಯೋಗಿಯ ನೋಡಲ್ಲಿ)], Movie: Kaamanabillu (ಕಾಮನಬಿಲ್ಲು)
ಹಾಡು: ನೇಗಿಲ ಹಿಡಿದ (ಉಳುವ ಯೋಗಿಯ ನೋಡಲ್ಲಿ)
ರಚನೆ: ಕುವೆಂಪು
ಸಂಗೀತ: ಉಪೇಂದ್ರ ಕುಮಾರ್
ಗಾಯನ: ಸಿ. ಅಶ್ವತ್ಥ್
ಚಲನಚಿತ್ರ: ಕಾಮನಬಿಲ್ಲು
ಓ….ಓಒಒ..ಓ ಹೋ ಓ….
ನೇಗಿಲ ಹಿಡಿದ ಹೊಲದೊಳು ಹಾಡುತ
ಉಳುವಾ ಯೋಗಿಯ ನೋಡಲ್ಲಿ, ಓ{೨}
ಫಲವನು ಬಯಸದೆ ಸೇವೆಯೆ ಪೂಜೆಯು,
ಕರ್ಮವೇ ಇಹಪರ ಸಾಧನವು
ಕಷ್ಟದೊಳನ್ನವ ದುಡಿವನೆ ತ್ಯಾಗಿ,
ಸೃಷ್ಠಿನಿಯಮದೊಳಗವನೇ ಭೋಗಿ.
ಉಳುವ ಯೋಗಿಯ ನೋಡಲ್ಲಿ, ಉಳುವಾ ಯೋಗಿಯ ನೋಡಲ್ಲಿ
ಹೇ….ಏ ಏ ಏ
ಲೋಕದೊಳೇನೆ ನಡೆಯುತಲಿರಲಿ
ತನ್ನೀ ಕಾರ್ಯವ ಬಿಡನೆಂದೂ
ರಾಜ್ಯಗಳುದಿಸಲಿ, ರಾಜ್ಯಗಳಳಿಯಲಿ
ಹಾರಲಿ ಗದ್ದುಗೆ ಮುಕುಟಗಳು{೨)
ಮುತ್ತಿಗೆ ಹಾಕಲಿ ಸೈನಿಕರೆಲ್ಲ(೨)
ಬಿತ್ತುಳುವುದನವ ಬಿಡುವುದೇ ಇಲ್ಲ(೨)
ಉಳುವ ಯೋಗಿಯ ನೋಡಲ್ಲಿ, ಉಳುವಾ ಯೋಗಿಯ ನೋಡಲ್ಲಿ
ಹೇ….ಏ ಏ ಏ ..
ಯಾರೂ ಅರಿಯದ ನೇಗಿಲ ಯೋಗಿಯೇ
ಲೋಕಕೆ ಅನ್ನವನೀಯುವನು{೨}
ಹೆಸರನು ಬಯಸದೆ ಅತಿಸುಖಕೆಳಸದೆ,
ದುಡಿವನು ಗೌರವಕಾಶಿಸದೆ
ನೇಗಿಲ ಕುಲದೊಳಗಡಗಿದೆ ಕರ್ಮಾ, ಹೋ…
ನೇಗಿಲ ಕುಲದೊಳಗಡಗಿದೆ ಕರ್ಮಾ
ನೇಗಿಲ ಮೇಲೆಯೇ ನಿಂತಿದೆ ಧರ್ಮ(೨)
ಉಳುವ ಯೋಗಿಯ ನೋಡಲ್ಲಿ, ಉಳುವಾ ಯೋಗಿಯ ನೋಡಲ್ಲಿ
ಹೇ….ಏ ಏ ಏ
ಉಳುವ ಯೋಗಿಯ ನೋಡಲ್ಲಿ(೪)
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ